வெங்காடு ஊராட்சியில் சர்வதேச மகளிர் தின விழா – கேக் வெட்டி கொண்டாட்டம்

பெண்களுக்கு வாழ்த்து தெரிவித்து இனிப்புகள் வழங்கல்

காஞ்சிபுரம் மாவட்டம், ஸ்ரீபெரும்புதூர் ஒன்றியம் வெங்காடு ஊராட்சியில் சர்வதேச மகளிர் தினம் சிறப்பாக கொண்டாடப்பட்டது.

இன்று (08.03.2026) நடைபெற்ற நிகழ்ச்சிக்கு ஊராட்சி மன்ற தலைவர் அன்னக்கிளி உலகநாதன் தலைமை தாங்கினார்.

ஊராட்சி மன்ற துணைத் தலைவர் முன்னிலை

நிகழ்ச்சியில் ஊராட்சி மன்ற துணைத் தலைவர் தமிழ்ச்செல்வி ரவிச்சந்திரன் முன்னிலை வகித்தார். மகளிர் தினத்தை முன்னிட்டு கேக் வெட்டப்பட்டு, பொதுமக்கள் மற்றும் பெண்களுக்கு இனிப்புகள் வழங்கப்பட்டன.

சிறப்பு அழைப்பாளராக பி. உலகநாதன் பங்கேற்பு

நிகழ்ச்சியில் சிறப்பு அழைப்பாளராக மாவட்ட கழகப் பிரதிநிதி பி. உலகநாதன் கலந்து கொண்டார். அவர் அனைவருக்கும் இனிப்புகளை வழங்கி, சர்வதேச மகளிர் தின வாழ்த்துகளை தெரிவித்தார்.

பெண்களின் பங்களிப்பை போற்றும் விழா

சமூகத்தின் முன்னேற்றத்தில் பெண்களின் பங்களிப்பை போற்றும் வகையிலும், பெண்களின் சாதனைகள் மற்றும் உரிமைகள் குறித்து விழிப்புணர்வை ஏற்படுத்தும் வகையிலும் மகளிர் தின விழா கொண்டாடப்பட்டது.

வெங்காடு ஊராட்சி பொதுமக்கள் முன்னிலையில் நடைபெற்ற இந்த நிகழ்ச்சியில் பெண்கள் உள்ளிட்ட ஏராளமானோர் கலந்து கொண்டு மகிழ்ச்சியை பகிர்ந்து கொண்டனர்.